خلّي الـ AI يعرف إنت مين
العميل ممكن يسأل ChatGPT عنك قبل ما يكلمك. بنشتغل SEO و GEO عشان يوصفك صح.
لو شغلك قايم على اسمك: مستشار، محاسب، مهندس أو مدرّب.
فين مكتب مازن عبد الحميد، مستشار الضرايب في القاهرة؟
- قال ChatGPT
مكتبه في مدينة نصر.- الصح
- مكتبه اتنقل على التجمع الخامس من 2021.
وبنسأل بالخليجي كمان
وين مكتب مازن عبد الحميد، مستشار الضرائب في القاهرة؟
الغلط جاي منين
صفحة قديمة في دليل شركات (2018)، وعنوان المكتب القديم على خرائط جوجل.
الخطوات الجاية
- تحديث عنوان المكتب على خرائط جوجل
- طلب تحديث صفحة الدليل
- صفحة واحدة فيها المعلومات الصح
رشّحني بيعمل إيه؟
رشّحني بيخلّي ChatGPT و Gemini يوصفوك صح: إنت مين، بتعمل إيه، والعميل يوصلك إزاي. هما بيبنوا الإجابة دي من المنشور عنك على موقعك ولينكد إن والأدلة والصحافة. إحنا بنخلّي المصادر دي واضحة وبتقول نفس الكلام، وبنراجع الإجابة كل أسبوع.
إجابات صح من 10 أسئلة
| أسبوع 1 | 3 |
| أسبوع 4 | 5 |
| أسبوع 8 | 6 |
| أسبوع 12 | 8 |
اللي الموديل حافظه بيتغير ببطء، فده ممكن ياخد شهور.
إجابة ChatGPT عنك ممكن تطلع غلط أو فاضية
ChatGPT غالبًا بيجيب أسماء الشركات صح. أسماء الأشخاص بتطلع غلط أو فاضية أكتر بكتير، واسمك هو اللي العميل ممكن يكتبه قبل أول مكالمة.
اقرا إجابتك قبل ما عميلك الجاي يقراها
كارت التقرير: ChatGPT و Gemini بيقولوا إيه عنك النهارده بالحرف، إيه الغلط، وجاي منين. صفحة واحدة، على واتساب خلال يومين شغل، وبيوصل ليك إنت بس. ولو داخل على الخليج، بنسأل كمان باللهجة الخليجية.
شكرًا. طلبك وصل.
- دلوقتي
سلّم علينا على واتساب عشان التقرير يوصلك إنت مش لحد تاني.
أكّد على واتسابواتساب · القاهرة+20 110 780 7961
احفظ رقمنامش مطلوب منك حاجة. أول إيميل مننا هيكون باسم رشّحني. لو مش لاقيه، بص في الـ spam.
- النهارده أو أول يوم شغل
هنسأل ChatGPT و Gemini نفس الأسئلة عنك.
- خلال يومين شغل
تقريرك في صفحة واحدة على واتساب: بيقولوا إيه، إيه الغلط، وجايبينه منين.
تقريرك في صفحة واحدة على الإيميل: بيقولوا إيه، إيه الغلط، وجايبينه منين.
- بعدها
لو حابب نصلّحه، نتكلم 20 دقيقة. لو لأ، التقرير بتاعك.
الموقع حاجة واحدة من 6 حاجات بتستلمها، كل واحدة في يومها
يوم 2
تقرير البداية
ChatGPT و Gemini بيقولوا إيه عنك بالحرف، وجنب كل غلط الصفحة اللي جاي منها.
يوم 7
ورقة الحقائق
بعد مكالمة 45 دقيقة: اسمك بطريقة كتابة واحدة في كل لغة ومربوط بيك إنت مش بحد شبهك في الاسم، ولقبك ومدينتك وطريقة التواصل، ونبذة بتلات أطوال. مافيش كلمة بتتنشر قبل ما توافق عليها.
يوم 14
البروفايلات
لينكد إن ولحد 7 بروفايلات تانية مكتوبين من نفس الورقة، ومسودات طلب تصحيح لأكتر 7 صفحات فيها معلومة غلط عنك.
يوم 21
الموقع
لحد 5 صفحات بالعربي والإنجليزي، وفيه البيانات المنظّمة اللي جوجل وأدوات الـ AI بيقروها. قبل ما نسلّمه بيعدّي على 7 فحوصات تلقائية، وبتستلم ورقة بنتيجة كل فحص.
يوم 28
خريطة الإشارات
أهم 10 مصادر برّه موقعك الـ AI بيعتمد عليها في مجالك، وإزاي توصل لكل واحد، وأول رسالة مكتوبة جاهزة.
كل أسبوع من يوم 28
القياس والتقرير
بنقيس كل أسبوع بنفس الأسئلة ونبعتلك التقرير: صفحة واحدة فيها نسبة الإجابات الصح الأسبوع ده واللي قبله، والإجابة بالحرف، والمصادر اللي اتغيرت.
شركة المواقع شغلها بيخلص يوم ما تسلّمك الموقع. إحنا بنسأل ChatGPT و Gemini عنك كل أسبوع بعد اليوم ده، وبنوريك اللي اتغير بالحرف.
السعر
باقة رشّحني
25,000 جنيه التأسيس، مرة واحدة
وبعدها 1,500 جنيه في الشهر.
عشان تفضل ظاهر صح ومتقدّم: بنقيس كل أسبوع، وأول ما حاجة تتغير في إجابات الـ AI بنصلّحها.
الهدف: ChatGPT و Gemini يوصفوك صح، ونقيسها كل أسبوع بنفس الـ10 أسئلة.
- تقرير البداية وخريطة المصادر، يوم 2
- مقابلة 45 دقيقة، يوم 4
- ورقة الحقائق وكتابة واحدة لاسمك، يوم 7
- الهوية والألوان، يوم 10
- لينكد إن ولحد 7 بروفايلات، ومسودات تصحيح لأكتر 7 صفحات غلط، يوم 14
- موقع لحد 5 صفحات بالعربي والإنجليزي وورقة التسليم، يوم 21
- خريطة الإشارات: 10 مصادر وأول رسالة، يوم 28
- تقرير في صفحة واحدة كل أسبوع من يوم 28
كل شهر بعد التسليم: القياس والتقرير الأسبوعي، ولحد تحديثين للمعلومات، والاستضافة، ومكالمة مراجعة 30 دقيقة كل 3 شهور.
اطلب كارت التقريرمخصّص للشخصيات العامة
للناس اللي اسمهم معروف أصلاً: إعلاميين، ومؤسسين وتنفيذيين معروفين، ومتحدثين، وأعضاء مجالس إدارة. بنحدد النطاق والمواعيد كتابةً بعد مكالمة خاصة.
كل اللي في الباقة، وكمان:
- اتفاقية سرية قبل أول مكالمة، ومسؤول واحد بالاسم عن شغلك
- اسمك مفصول عن أي حد شبهك، بالعربي والإنجليزي وكل طرق الكتابة
- نبذة تنفيذية بكذا نسخة، وورقة حقائق للصحافة
- رسائل للإعلام ومسودات لينكد إن كل شهر
- الشغل على أي إجابة غلط بيبدأ خلال 48 ساعة
- بنشتغل مع مكتبك: حد واحد من فريقك يقدر يوافق بالنيابة عنك
السعر حسب النطاق، وبيتحدد قبل أي شغل.
لو بعد 6 أسابيع من تسليم الموقع ChatGPT لسه مش بيوصفك صح، الاشتراك ببلاش لحد ما يوصفك صح، لمدة أقصاها 6 شهور. وتقدر تتأكد بنفسك: الـ3 أسئلة مكتوبين في تقريرك.
هويتك بتتوحّد في 14 يوم والموقع بيتسلّم يوم 21، أو أول شهر عليك ببلاش.
الأيام اللي بنستنى فيها موافقتك مش محسوبة. نص المبلغ عشان نبدأ، والنص التاني لما الموقع يتسلّم، بتحويل بنكي.
الفريق اللي ورا رشّحني
خدمة يديرها فريق في القاهرة، بتشتغل مع أصحاب الخدمات في مصر والخليج والولايات المتحدة. بنرد على واتساب في نفس يوم الشغل.
أسئلة
يعني ChatGPT هيرشحني للناس؟
لأ. مابنوعدش بترتيب ولا بترشيح، ومحدش يقدر يوعد بده بأمانة، لأن إجابة الـ AI بتتغير من مرة للتانية. إحنا بنشتغل على حاجة تتقاس: إن ChatGPT يعرفك ويوصفك صح، وبنراجعها كل أسبوع.
ده SEO يعني؟
نفس الأساس. الـ SEO هدفه مكانك في نتايج جوجل. إحنا هدفنا الجملة اللي ChatGPT و Gemini بيقولوها عنك، وبنقيس الجملة دي كل أسبوع.
عندي موقع بالفعل، لازم أعمل واحد جديد؟
مش شرط. أغلب اللي ChatGPT بيقوله عن أي حد جاي من مواقع تانية، فبروفايلاتك والصفحات اللي بتذكرك مهمة زي موقعك بالظبط. لو موقعك كويس بنشتغل عليه، والسعر بيتحدد حسب حالته.
بياخد وقت قد إيه، ويعني إيه «صح»؟
الإجابات اللي بتعتمد على البحث ممكن تتغير في أسابيع بعد ما المصادر تتصلح. أما اللي الموديل حافظه فمابيتغيرش غير مع موديل جديد، وده بياخد شهور. و«صح» يعني اسمك وشغلك ومدينتك وطريقة التواصل معاك يطلعوا زي ما هما على موقعك. بنقيس بنفس الـ10 أسئلة يوم التسليم وبعد 6 أسابيع.
أقدر أوقف المتابعة الشهرية؟
أيوه، بإشعار قبلها بـ30 يوم برسالة على واتساب. الموقع والهوية بتوعك وبيفضلوا معاك، أول ما تدفع التأسيس كامل. والاشتراك الشهري عشان تفضل ظاهر صح ومتقدّم: بنقيس كل أسبوع، وأول ما حاجة تتغير في إجابات الـ AI بنصلّحها.
عملتوا ده لحد قبل كده؟
اشتغلنا 3 شهور نجرّب ونختبر لحد ما وصلنا لأحسن طريقة شغل وللأدوات اللي بتفرق، وطلّعنا بيها أكتر من 10 أشخاص في إجابات ChatGPT صح. مش بنذكر أساميهم احترامًا لخصوصيتهم. اللي نقدر نوريه هو الطريقة وكارت تقرير نموذج، ابعتلنا على واتساب ونمشي معاك عليه.
محتاجين مني إيه، ووقت قد إيه؟
إنت توافق وإحنا نعمل الباقي. حوالي ساعتين من وقتك قبل التسليم، منهم مكالمة 45 دقيقة.